وەزارەتی نەوتی عێراق: هەناردەکردنی نەوتی هەرێمی کوردستان دەست پێدەکاتەوە

ئاڤا نیوز

وەزارەتی نەوتی عێراق ڕێککەوتنی هەناردەکردنی نەوتی هەریمی کوردستانی ڕاگەیاند و دەڵێت "بەپێی ئەو ڕێککەوتنە نەوتی خاوی بەرهەمهاتوو لە کێڵگە نەوتییەکانی هەرێمی کوردستان ڕادەستی کۆمپانیای سۆمۆ دەکرێت و لەڕێگەی بەندەری جیهانی تورکیاوە هەناردەی بکات.

وێنە گەورەکە: پرسی هەناردەکردنەوەی نەوتی کوردستان یەکێک لە گرفتە سەرەکییەکانی بەردەم ناردنی مووچەی مووچەخۆرانی هەرێمی کوردستان بوو لەلایەن بەغداوە، بە چارەسەربوونی ئەو بەربەستەش نامێنێت دەرگای چارەسەربوونی کێشەکان بە تەواوی دەکرێتەوە.

ڕاگەیێنراوەی فەرمی: وەزارەتی نەوتی عێراق ڕاگەیێنراوێکی لەبارەی نەوتی کوردستان بڵاوکردەوە کە تیایدا هاتووە: سەرجەم نەوتی خاوی بەرهەمهاتوو لە کێڵگە نەوتییەکانی هەرێمی کوردستان جگە لەو بڕەی بۆ بەکاربردن ناوخۆیی بەکاردێت ڕادەستی کۆمپانیای بەبازاڕکردنی نەوتی عێراق سۆمۆ دەکرێت، دواتر لەڕێگەی بۆریی نەوتی عێراق-تورکیا و بەندەری جیهانی تورکیاوە هەناردەی بازاڕەکانی جیهان دەکرێت.

هەر لەبەیاننامەکەدا هاتووە، ئامانجی ئەم ڕێککەوتنە بەهێزکردنی شەفافییەت و کاراییە لە بەڕێوەبردنی سامانی نیشتمانی، و دڵنیابوون لە دابەشکردنی دادپەروەرانەی داهاتەکان بەسەر گشت هاوڵاتیانی عێراقدا، بە شێوەیەک کە پشتگیری لە سەقامگیری ئابووری و پڕۆژەکانی گەشەپێدان لە وڵاتدا بکات.