ئیسرائیل لە داگیرکردنی شاری غەززە دەوەستێت

ئاڤا نیوز

دوای ڕازیبوونی حەماس بە پلانەکەی ترەمپ بۆ ئاشتیی غەززە و لەسەر داوای ترەمپ سوپای ئیسرائیل داگیرکردنی شاری غەززە دەوەستێنێت.

وێنە گەورەکە: ئیسرائیل ڕایگەیاندووە ئامادەیە بۆ دەستکردن بە جێبەجێکردنی پلانەکەی ترەمپ و وەک ئامادەکارییەک داگیرکردنی شاری غەززەی وەستاندووە و چالاکییە سەربازییەکانی بۆ ئەوپەڕی کەم دەکاتەوە.

لەلایەکی دیکەوە: ئەڤیغای ئەدرعی، وتەبێژی عەرەبی زمانی سوپای ئیسرائیل ڕایگەیاند: گەڕانەوە بۆ شاری غەززە زۆر مەترسیدارە. بۆ سەلامەتیتان مەگەڕێنەوە بۆ باکوور یان مەچنە ئەو شوێنانەوە کە ‌هێزەکانی سوپا چالاکیی تێدا ئەنجام دەدەن، لە ناویشیاندا باشووری کەرتی غەززە."