وەزارەتی خوێندنی باڵای عێراق پێنج نمرە بەو قوتابیانە دەدات کە دەرنەچوون

ئاڤا نیوز

بەمەبەستی ڕەخساندنی دەرفەتێکی دیکە بۆ دەرچوون و تەواوکردنی خوێندن، وەزارەتی خوێندنی باڵا و توێژینەوەی زانستی عێراق، بڕیاری دا پێنج نمرە بەو قوتابیانە بدات کە لە خولی دووەم ماوەنەتەوە و دەرنەچوون.

نووسراوی فەرمی: بەگوێرەیی نووسراوێکی وەزارەتی خوێندنی باڵا و توێژینەوەی زانستیی عێراق کە لە ڕێککەوتی 2025-10-05 دەرچووە و واژۆی د. نەعیم عەبودی، وەزیری خوێندنی باڵا و توێژینەوەی زانستی لەسەرە، بڕیاردراوە بە پێدانی 5 نمرە بۆ ئەو قوتابیانەی خوێندنی باڵا کە لە تاقیکردنەوەکانی خوولی دووەمی ساڵی خوێندنی 2024-2025 دەرنەچوون.

دەقی بڕیارەکە: "وەک وەڵامێک بۆ داواکاریی قوتابیانی خوێندنی باڵا (ماستەر و دکتۆرا) کە لە تاقیکردنەوەکانی خوولی دووەمی ساڵی خوێندنی 2024-2025 دەرنەچوون، بڕیار درا کە 5 (پێنج) نمرە بدرێت بەوان، بۆ چارەسەرکردنی ئەنجامی تاقیکردنەوەکانی خوولی دووەمی ئەو ساڵەی خوێندن، وەک نمرەیەکی زیادە لەسەر ئەو بڕیارانەی پێشتر ئەنجوومەنەکانی زانکۆ دایانناوە، بە مەرجی ئەوەی کە دۆخی قوتابییەکە بگۆڕدرێت بۆ "دەرچوو" و ساڵی ئامادەکاری تێپەڕاندبێت.

ئەوەی پێویستە بیزانیت: ئەم بڕیارەی وەزارەتی خوێندنی باڵا هاوکاتە لەگەڵ بڕیارێکی پێشووی ئەنجوومەنی وەزیران عێراق کە تێیدا دەرفەتی خولی سێیەمی بۆ قوتابیانی پۆلە کۆتاکان دەرکرد و دواتریش وەزارەتی پەروەردەی عێراق بڕیاریدا دوو نمرە بداتە سەرجەم قوتابیانی پۆلە ناکۆتاکان لە سەرجەم پارێزگاکانی عێراق. 

دەقی بڕیارەکەی وەزارەتی خوێندنی باڵای عێراق بە زمانی عەرەبی