بۆچی ژنان لە پیاوان زیاتر دەژین؟

ئاڤا نیوز

هەوڵێکی نوێ بۆ وەڵامدانەوەی ئەو پرسیارە هەیە کە بۆچی ژنان لە پیاوان زیاتر دەژین؟، توێژەران لێکۆڵینەوەیەکی نوێیان لەوبارەیەوە بڵاوکردووەتەوە کە ئاماژە بە کرۆمۆسۆم و پەیوەندی بە دی ئێن ئەیانەوە هەیە.

وێنە گەورەکە: بە زۆری لە هەموو وڵاتان و هەموو سەردەمەکان ژنان زیاتر لە پیاوان دەژین و تەمەندرێژترن. پێشتر چەندین هۆکار باس دەکران، لەوانە: پیاوان زیاتر جگەرە دەکێشن. زیاتر خواردنەوەی کحولی دەخۆنەوە. ڕەفتاری سەرکێشی و مەترسیداری زیاتر ئەنجام دەدەن.

لێکۆڵینەوەی نوێ: زانایان توێژینەوەی نوێیان ئەنجام داوە و دەڵێن: ئەگەر هەیە هۆکاری تەمەندرێژیی ژنان بە بەراورد بە پیاوان پەیوەندیی بە دی ئێن ئەیانەوە هەبێت و لەبەر کرۆمۆسۆمەکانیانە، چونکە ژنان دوو کرۆمۆسۆمی X ـیان هەیە و ئەمەش وا دەکات لە بەرامبەر گۆڕانەکانی تەمەن خۆڕاگرتربن و زۆرتر بژین.

زانیاریی زیاتر: زاناکان ئەوەش دەڵێن کە مەرج نییە ئەم هۆکارە تاکە هۆکار بێت بۆ تەمەندرێژیی ژنان و پێدەچێت هۆکاری دیکەش هەبن.

ئەمەش بزانە: نەک هەر لە ناو مرۆڤەکاندا، بەڵکو لە ناو ئاژەڵە شیرەدەرەکانیشدا مێینەکان لە نێرینەکان زیاتر دەژین.