دەزگای ئاسایش لەبارەی شەڕەكەی گوڵەخانە ڕوونكردنەوە دەدات

ئاڤا نیوز

دەزگای ئاسایشی هەرێمی کوردستان ڕایگەیاند لە "شەڕەکەی گوندی گوڵەخانە "کەسێک کوژراوە و چوار کەسی دیکەش برینداربوون، بکوژەکەش دەستگیرکراوە".

ڕاگەیێنراوی فەرمی: دەزگای ئاسایشی هەرێمی کوردستان ڕایگەیاند: ئێوارەی 2024/4/4 لە گوندی (گوڵە خانە) پاش ئەوەی گرژی و ئاڵۆزی چەکداری لە نێوان هێزەکانی پارتی سۆسیال دیموکراتی کوردستان ڕوویدا، بووە هۆی کوژرانی کەسێک و برینداربوونی چوار کەسی دیکە. هێزەکانی دەزگای ئاسایشی هەرێم بۆ ئارامکردنەوەی دۆخەکە دەستبەجێ گەیشتنە شوێنی ڕووداوەکە بە مەبەستی کۆنتڕۆڵکردنی دۆخەکە و بەفەرمانی دادوەری لێکۆڵینەوە بکوژەکە لەلایەن بەڕێوەبەرایەتی گشتی ئۆپراسیۆنەکانی ئاسایش دەستگیرکرا.

وێنە گەورەکە: ئێوارەی ڕۆژی پێنج شەممە لەگوندی گوڵەخانە لە شارەزوور جارێکی دیکە شەڕ لەنێوان هێزێکی محەممەدی حاجی مەحموود، سکرتێری پارتی سۆسیال دیموکرات و عەبدوڵای برای ڕوویداوە کە بەمدواییە لەو حیزبە جیابووەوە.

چۆن ڕوویدا: دابان عەبدوڵای حاجی مەحموود خۆی و هێزێک چوونەتە پرسگەی سەرەکی گوڵەخانە ویستوویانە بچنەوە خانووەکەی خۆیان و دواتر دەمەقاڵە و پاشانیش شەڕ دروستبووە و چەکی قورس و ئاسایی تێدا بەکارهێنراوە.