لە کەلار ماڵێک و دوکانێک سووتان؛ تەنیا زیانی ماددی هەبوو

ئاڤا نیوز

ئێوارەی ئەمڕۆ شەممە کۆگایەکی پێداویستی کارەبایی و ماڵێک لە کەلار ئاگریان گرت و سووتان.

لێدوانی فەرمی: عەمید موفید عەلی، بەڕێوەبەری بەرگریی شارستانی گەرمیان بە ئاڤا میدیای ڕاگەیاند: نزیک کاتژمێر 5ـی ئێوارەی ئەمڕۆ ئاگر لە کۆگایەکی کەلوپەلی کارەبایی لە گەڕەکی بنگردی کەلار کەوتەوە، بەوهۆیەوە کۆگاکە و ئەو ماڵەی لەسەرەوەی کۆگاکەبووە بەتەواوی سووتاون.

زانیاریی زیاتر: بەڕێوەبەری بەرگریی شارستانی گەرمیان وتی: زیانی گیانی نییە و تەنیا زیانی ماددی هەبووە، بەڵام هۆکاری درەنگ کۆنترۆڵکردنی ئاگرەکە بۆ دروستکردنی قەرەباڵغی لە نزیکی ئاگرەکە دەگەڕێتەوە.

لەلایەکی دیکەوە: بەگوێرەی قسەی شایەتحاڵەکان هۆکاری ئاگرکەوتنەوەکە شۆرتی کارەبا بووە، بەڵام بەڕێوەبەری بەرگریی شارستانی گەرمیان دەڵێت، "لێکۆڵینەوە بۆ ڕاستی هۆکاری ئاگرکەوتنەوەکە دەکەین."