بڕیاری داشکاندنی قەرزی هاوبەشانی کارەبا دەچێتە واری جێبەجێکردن

ئاڤا نیوز

 

وەزارەتی کارەبای هەرێمی کوردستان ڕێکارەکانی داشکاندنی %20 ـی قەرزی هاوبەشانی کارەبا تەواوکردووە و هەفتەی داهاتوو جێبەجێ دەکرێت.

 

چیرۆکی سەرەکی: ڕۆژی 27-03-2024، سەرۆکوەزیران بارزانی لایەنە پەیوەندیدارەکانی ڕاسپارد ڕێژەی 20% داشکاندن لە قەرزە کەڵەکەبووەکان لە باج و سزای پێبژاردنی هاتووچۆ، ئاو و کارەبا بکەن.

 

لێدوانی فەرمی: "بەهۆی جەژن و پشووەوە جێبەجێکردنی بڕیارەکە دەکەوێتە سەرەتای هەفتەی داهاتوو، سەرجەم هاوبەشانی کارەبا ئەوانەی قەرزیان لایە، دەتوانن سوودمەندبن."
ئومێد ئەحمەد، گوتەبێژی وەزارەتی کارەبا ئەوەی بە ئاڤا نیوز گوت.

 

ئەوەی پێویستە بیزانیت: ژمارەی هاوبەشانی کارەبا نزیک بووەتەوە لە ملیۆنێک و 900 هەزار هاوبەش، یەک تریلیۆن و 300 ملیار دینار قەرزی کارەبا لای هاوبەشانە.

 

باکگراوند: لە ماوەی ئەم دوو ساڵەدا سێیەمین جارە حکومەتی هەرێمی کوردستان داشکاندنی قەرزی کارەبا ڕاگەیاندووە.