بڕیارێکی دیکەی سەرۆکوەزیران بارزانی جێبەجێ دەکرێت

ئاڤا نیوز

 

بڕیاری دابەزاندنی باجی هێنانی گۆشتی سوور بەڕێژەی 50% بۆ هەموو ئاژەڵێکی زیندوو چووە بواری جێبەجێکردنەوە.

 

لێدوانی فەرمی: هونەر جەمال، گوتەبێژی وەزارەتی دارایی بە ئاڤا نیوزی گوت: "بڕیارەکە لە سەرجەم فڕۆکەخانە، دەروازە سنوورییەکان و خاڵە گومرگییەکان چووە بواری جێبەجێکردن و ئێستا کاری پێ دەکرێت".

 

بۆچی گرنگە؟ بڕیارەکە کاریگەرییەکی زۆری لەسەر دابەزاندنی نرخی گۆشت دەبێت و نرخەکەی بەڕێژەیەکی بەرچاو دادەزێت. 

 

ئەوەی پێویستە بیزانیت: ڕۆژی 27ـی مانگی ڕابردوو سەرۆکوەزیران بارزانی، کۆمەڵێک بڕیاری لە بەرژەوەندی هاونیشتمانیان دەرکرد و یەکێک لە بڕیارەکانیش دابەزاندنی باجی هێنانی گۆشتی سوور بوو.