وەزارەتی ئەوقاف: سبەی یەکەم ڕۆژی جەژنی ڕەمەزان دیاری دەکەین

ئاڤا نیوز

 

سبەی دووشەممە چاودێریی بینینی مانگ دەکرێت بۆ دیاریکردنی یەکەم ڕۆژی جەژنی ڕەمەزان.

 

لێدوانی فەرمی: نەبەز ئیسماعیل، گوتەبێژی وەزارەتی ئەوقاف بە ئاڤا نیوزی گوت: "لیژنەی باڵای بینینی مانگ لە دیوانی وەزارەتی ئەوقاف کۆدەبێتەوە، لەگەڵ لیژنە لاوەکییەکانی پارێزگا و ئیدارە سەربەخۆکان چاودێریی بینینی مانگ دەکەن".

 

ئەوەی پێویستە بیزانیت: لیژنەکە دوای نوێژی "ئێوارە" چاودێری بینینی مانگ دەکات و ئەگەر هاتوو مانگ بینرا، ئەوا سێشەممە دەبێتە یەکەم ڕۆژی جەژن، ئەگەریش نەبینرا ڕاستەوخۆ چوارشەممە دەبێتە یەکەم ڕۆژی جەژن.

 

زانیاریی زیاتر: ئەگەر ڕۆژی سێشەممە ببێتە یەکەم ڕۆژی جەژنی ڕەمەزان، ئەوا مانگی ڕەمەزان تەنیا 29 ڕۆژ بووە و 30 ڕۆژی تەواو نەکردووە.