ئەمریکا دەیەوێت ڤیزا بە کەسانی قەڵەو، نەخۆشانی شێرپەنجە و شەکرە نەدات

ئاڤا نیوز

 

هەوڵەکانی ئیدارەی ترەمپ بۆ سنووردارکردنی ڕۆیشتنی کۆچبەران بۆ ئەمریکا بەردەوامە و لەمەودوا لە پێدانی ڤیزا زیاتر لە جاران ڕەچاوی تەندروستیی کەسەکان دەکرێت. 

 

لێدوانی فەرمی: مارکۆ ڕوبیۆ، وەزیری دەرەوەی ئەمریکا ڕایگەیاند ئەمریکا بارودۆخە تەندروستییە درێژخایەنەکانی وەک قەڵەوی، نەخۆشییەکانی دڵ، شێرپەنجە و شەکرە و تەنانەت هۆکارەکانی وەک تەمەنی خانەنشینی وەک هۆکارێک بۆ ڕەتکردنەوەی ڤیزا لە کۆچبەران لەبەرچاو دەگرێت.

 

هۆکارە زانراوەکان: وەزارەتی دەرەوەی ئەمریکا پێی وایە نەخۆشییەکانی وەک نەخۆشیی دڵ و خوێنبەرەکان، نەخۆشییەکانی هەناسەدان، شێرپەنجە، شەکرە و بارودۆخی تەندروستیی دەروونی هەندێکجار پێویستیان سەدان هەزار دۆلار بۆ چاودێریکردن دەبێت. 

 

ئەمەش بزانە: ئەم هەنگاوە پشکنینی پزیشکی ئێستا کە بۆ وەرگرتنی ڤیزا پێویستە فراوانتر دەکات و پاساوی نوێ دەداتە ئەفسەرانی ڤیزا بۆ ڕەتکردنەوەی داواکاران.