دوای جەژنی ڕەمەزان هەڵمەتی کوتانی قوتابیان دەستپێدەکات

ئاڤا نیوز

دوای پشووی جەژنی ڕەمەزان و لە 14ـی نیسان، هەڵمەتی کوتانی قوتابیانی قۆنا‌غی سەرەتایی و باخچەی ساوایان لە هەرێمی کوردستان دەستپێدەکات.

چیرۆکی سەرەکی: لە ڕۆژی 19-03-2024 وەزارەتی تەندروستی عێراق هەڵمەتی پێکوتەی سورێژە بۆ هەشت ملیۆن قوتابی قۆناغی سەرەتایی و باخچەی ساوایان ڕاگەیاند، هەڵمەتەکە هەرێمی کوردستانیش دەگرێتەوە.

لێدوانی فەرمی: سەرکار سوورچی، گوتەبێژی وەزارەتی تەندروستی حکومەتی هەرێمی کوردستان بە ئاڤا نیوزی گوت: قوتابیانی سەرەتایی پۆلی یەک تا شەش و قوتابیانی باخچەی ساوایان پێکوتەی سورێژە وەردەگرن؛ لە 14-04-2024 دەست بە هەڵمەتەکە دەکەین.

ئەوەی پێویستە بیزانیت: حکومەت بۆ هەڵمەتی پێکوتەی سورێژە 10 ملیار دیناری تەرخانکردووە؛ هەڵمەتەکەش هەشت ملیۆن قوتابیی لە عێراق و هەرێمی کوردستان دەگرێتەوە.