ئێران: ئەمریكا بەرپرسە لە هێرشكردنە سەر باڵیۆزخانەكەمان

ئاڤا نیوز 

حوسێن ئەمیر عەبدوڵڵاهیان، وەزیری دەرەوەی ئێران لە بارەی هێرش بۆ سەر باڵیۆزخانەی ئێران لە  سووریا، ڕایگەیاند " ئیسرائیل سزا دەدرێت و وەڵامی پێویست وەردەگرێتەوە".

وێنە گەورەکە: دوای هەفتەیەک لە هێرشە ئاسمانییەکەی ئیسرائیل، حسێن ئەمیر عەبدوڵڵاهیان وەزیری دەرەوەی ئێران بە یاوەری فەیسەڵ میقداد هاوتا سورییەکەی باڵەخانەیەکی نوێی بۆ بەشی باڵیۆزخانەی ئێران لە دیمەشق کردەوە. 

لێدوانی فەرمی: حسێن ئەمیر عەبدوڵڵاهیان وەزیری دەرەوەی ئێران لە دیمەشق بە ڕۆژنامەنووسانی ڕاگەیاند: "ئەمریکا بەرپرسیارە لەم ڕووداوە و دەبێت لێپرسینەوەی لەگەڵدا بکرێت".

باکگراوند: ڕۆژی 1-4-2024، فڕۆکەکانی ئیسرائیل باڵیۆزخانەی ئێرانیان لە دیمەشقی پایتەختی سووریا بۆردوومانکرد، یەکێک لە سەرکردەکانی فەیلەقی قودسی سوپای پاسداران و حەوت سەرکردە و ڕاوێژکاری دیکەی ئێرانییان کوشت.