كێشەی فەرمانگەی باری شارستانی ناحیەی شوان چارەسەر دەكرێت

ئاڤا نیوز

دوای شەش ساڵ، بڕیارە لەدوای جەژنی ڕەمەزانەوە هەر هاووڵاتیەکی ناحیەی شوان، نیشتەجێی هەر شارێک بێت هەر لەوشوێنە مامەڵەی دەرکردنی کارتی نیشتیمانی بۆ ڕایی بکرێت. 

بۆچی گرنگە: بە جێبەجێکردنی ئەم بڕیارە هاووڵاتیەکی زۆری ناوچەکە دەتوانن لەو شوێنەی کە تێیدا نیشتەجێن مامەڵەکانیان ڕایی بکەن و پێویست ناکات بگەرێنەوە ئەو ناوچەکانی خۆیان.

لێدوانی فەرمی: بەهجەت عەبدولواحید، بەرێوەبەری ناحیەی شوان بە ئاڤا نیوزی ڕاگەیاند: "بە بڕیاری وەزیری ناوخۆی عێراق بەگوێرەی سیستەمێکی سەرتاسەری گشتگیر لە دوای جەژنی ڕەمەزانەوە هەر هاووڵاتییەکی ناحیەی شوان دانیشتووی هەر شارێکی هەرێمی کوردستان یان عێراق بێت، دەتوانێت لەشوێنی نیشتەجێی بوونی خۆی مامەڵەی دەرکردنی کارتی نیشتمانی بکات."

ئەوەی پێویستە بیزانیت: ناحیەی شوان لەڕووی کارگێرییەوە سەر بە پارێزگای کەرکووکە، زیاتر لە 80 هەزار هاووڵاتی کارتی نیشتمانیان سەر بە ناحیەی شوانە.