كێشەكانی هەولێر و بەغدا لە سەردانەکەی سوودانی بۆ ئەمریکا پرسێكی سەرەكی دەبێت

ئاڤا نیوز

 

یەکێک لەو پرسانەی کە بەلای ئەمریکاوە گرنگە، چارەسەربوونی کێشەکانی نێوان هەولێر و بەغدایە، ئەم پرسەش یەکێک لە مەلەفە گرنگەکانی نێو جانتاکەی سوودانییە کە لەگەڵ بەرپرسانی ئیدارەی بایدن دەیخاتە سەر مێزی گفتوگۆ.

 

زانیاریی بەدەستهاتوو: ئەو پرسە سەرەكییەی ئەمریكا بەلایەوە گرنگە، ئاساییبوونەوەی پەیوەندییەكانی نێوان بەغدا و هەولێرە، تاوەکو دڵنیابێت لەوەی كشانەوەی نابێتە هۆی دروستبوونی بۆشایی ئەمنی و هاندانی گەڕانەوەی ڕێكخراوی داعش، هاوشێوەی كشانەوەی لە ساڵی 2011. 
ماڵپەڕی ئەمواج میدیا راپۆرتێكی وای بڵاوكردووەتەوە

 
بابەتی ستراتیژی: پێدەچێت ئەمریكا بوونی هێزەكانی لە هەرێمی كوردستان و عێراق جیابكاتەوە، شێوازێک بدۆزێتەوە كە هەردوولایان وەک پێویست كۆک و تەبابن، لەگەڵ پاراستنی بەرژەوەندییەكانی لە هەرێمی كوردستان. 

 

لەلایەکی دیکەوە: بەغدا هەوڵی دۆزینەوەی لێكگەیشتنی هاوبەش لەگەڵ وەزارەتی خەزێنەی ئەمریكا دەدات، بۆ سوككردنی فشارەكان لەسەر بانک و كۆمپانیاكان. 

 

ئەوەی پێویستە بیزانیت: لیژنە سەربازییە باڵاكەی ئەمریكا و عێراق كاردەكەن بۆ ئەوەی لەمانگی تەممووزی 2024 گەڕێكی دیکەی گفتوگۆكانیان بەڕێوەبچێت، لەبارەی بوونی هێزەكانی هاوپەیمانان.