وەزارەتی پەروەردە: ئەم هەفتەیە ناوی وانەبێژان بۆ دامەزراندن دەنێردرێتە بەغدا

ئاڤا نیوز

 

وەزارەتی پەروەردەی حكومەتی هەرێمی كوردستان دەڵێت، ئەم هەفتەیە ناوی لیستی مامۆستایانی وانەبێژ ڕەوانەی بەغداد دەكرێت.

 

وێنە گەورەكە: ئەم هەفتەیە، وەزارەتی پەروەردە ناوی زیاتر لە 37,700 مامۆستای وانەبێژ ڕەوانەی بەغدا دەکرێت.

 

لێدوانی فەرمی: سەرچاوەیەكی باڵا لەنێو وەزارەتی پەروەردە بە ئاڤا نیوزی ڕاگەیاند: "ئێستا ناوەكان ئاڕاستەی ئەنجوومەنی وەزیرانی حكومەتی هەرێمی كوردستان كراون و ئەم هەفتەیەش ناوەكان ڕەوانەی بەغدا دەكرێن".

 

لەلایەکی دیکەوە: مەولوود سابیر، بەڕێوەبەری گشتیی بانکە بازرگانییەکان بە ئاڤا نیوزی ڕاگەیاند: "بۆ ناردنی لیستەکە، ئامادەکارییەکانمان بەردەوامن و کاریان لەسەر دەکەین". 

 

ئەوەش بزانە: پێشتر بە فەرمانی سەرۆکوەزیران بارزانی بڕیار درا دوای جەژنی رەمەزان، وەزارەتی پەروەردە ئامادەکاری بۆ ناردنی لیستی وانەبێژان بکات تاوەکو بكرێنە گرێبەستی هەمیشەیی.