ئەمریکا: ئێران ڕێز لە سەروەریی عێراق ناگرێت

ئاڤا نیوز

 

ئەمریکا دەستپێکردنەوەی هێرشەکان بۆ سەر بنکەکانیان لە عێراق و سووریا سەرکۆنە دەکات و دەڵێت، بەرگری لە بەرژەوەندییەکانیان دەکەن.

 

وێنە گەورەکە: دوای نزیکەی سێ مانگ لە ڕاگرتنی هێرشەکانیان، گرووپە چەکدارەکانی عێراق لەماوەی 24 کاتژمێری ڕابردوودا دووجار هێزەکانی ئەمریکایان لە عێراق و سووریا کردە ئامانج.

 

لێدوانی فەرمی: ماتیۆ میلەر، گوتەبێژی وەزارەتی دەرەوەی ئەمریکا ڕایگەیاند، حیزبوڵڵا هێرشەکانی دژ بە هێزەکانی ئەمریکا دەستیپێکردەوە، ئەمەش تەنیا دوای چەند کاتژمێرێک لە کۆتاییهاتنی سەردانە سەرکەوتووەکەی سوودانی بۆ واشنتن، بۆیە بەڕوونی دەردەکەوێت "ئێران ڕێز لە سەروەریی عێراق ناگرێت".

 

زانیاریی زیاتر: "ماوەکانی ڕابردووش بۆ ئێران و حیزبوڵڵامان ڕوونکردەوە کە ئێمە بەرگری لە بەرژەوەندی و هێزەکانمان دەکەین، بۆ ئێستاش هەر هەمان شتە".

ماتیۆ میلەر ئەمەی گوت