دوو تۆمەتبار لەكاتی دەستگیركردنیان ڕووبەڕووی هێزە ئەمنییەكان دەبنەوە

ئاڤا نیوز

 

دوو تۆمەتبار کە بازرگانیی ماددەی هۆشبەر بوون، ئێوارەی ئەمڕۆ لەکاتی دەستگیرکردنیان، ڕووبەڕووی هێزەکانی بەڕێوەبەرایەتیی نەهێشتنی ماددە هۆشبەرەکان بوونەتەوە، ئەندامێكی ئەو هێزەیان بریندار کردووەو  یەکێک لە داواکراوەکان کوژراوە و ئەوی دیکەشیان دەستگیر کراوە.

 

چیرۆکی سەرەکی:  ئەو دوو بازرگانەی ماددەی هۆشبەر لە هەولێر فەرمانی دەستگیرکردنیان هەبووە، کە تیمەکەی بەڕێوەبەرایەتیی نەهێشتنی ماددە هۆشبەرەکان لە نزیک شارۆچکەی عەنکاوە چوونە بۆ دەستگیرکردنیان، ڕووبەڕووی هێزەکانی ئاسایش بوونەتەوە.

 

لێدوانی فەرمی: لە ئەنجامی وەڵامدانەوەی هێزەکانی بەڕێوەبەرایەتیی نەهێشتنی ماددە هۆشبەرەکان، کارمەندێکی بەڕێوەبەرایەتی نەهێشتنی ماددەی هۆشبەریان بەسەختی بریندارکردووە. یەکێک لە داواکراوەکان کوژرا و ئەوەی دیکەش دەستگیر کراوە. بەرێوەبەرایەتی گشتی نەهێشتنی ماددە هۆشبەرەکان ئەوەی ڕاگەیاندووە.