شاندێکی هیندستان بۆ بازرگانی سەردانی هەولێر دەکەن

ئاڤا نیوز  

سەرۆکی ژووری بازرگانی و پیشەسازیی هەولێر ئاشکرایکرد، مانگی حوزەیران شاندێکی بازرگانیی هیندستان سەردانی هەولێر دەکەن، بەمەبەستی لێکنزیکبوونەوەی بازرگانی نێوان هیندستان و هەرێمی کوردستان.

وێنە گەورەكە: ئارامی هەرێمی کوردستان وای لە وەبەرهێنەر و بازرگانانی بیانی کردووە، بێن وەبەرهێنان و بازرگانیی بکەن؛ لەم چوارچێوەیشدا بڕیارە شاندێکی هیندستان سەردانی هەولێر بکەن.

لێدوانی فەرمی: گەیلان حاجی سەعید، سەرۆکی ژووری بازرگانی و پیشەسازیی هەولێر بۆ ئاڤا نیوز گوتی: ڕۆژی 02-06-2024 شاندێکی بازرگانی هیندستان دێنە هەولێر و لەگەڵ ژووری بازرگانی هەولێر کۆدەبنەوە.

ئەوەی پیویستە بیزانیت: شاندەکەی هیندستان زۆرینەیان بازرگانی خۆراکن، بەتایبەت برنج و چا، بەوپێیەی هەرێمی کوردستان بەکاربەرێکی باشی برنج و چایە.