45 کەسی بیانی لە هەوڵی بەزاندنی سنوور لە سلێمانی دەستگیرکران

ئاڤا نیوز 

 

هێزەکانی پاسەوانی سنوور 45 کەسیان دەستگیر کردووە کە ویستوویانە لە ئێرانەوە بە نایاسایی سنووری هەرێمی کوردستان ببەزێنن.

 

ڕاگەیێنراوی فەرمی: فەرماندەی پاسەوانی سنووری عێراق لە ڕاگەیێنراوێکدا دەڵێت، فەوجی سێی لیوای سێی پاسەوانی سنوور، 45 کەسیان بە وڵاتینامە جیاوازی وڵاتانی ئاسیا دەستگیر کردووە کە هەوڵیان داوە بە ڕێگەی نایاسایی بێنە نێو پارێزگای سلێمانی و ئێستا ڕێکاری یاساییان بەرامبەر گیراوەتەبەر.

 

کاریگەرییە نەرێنییەکان: ماوەیەکە ژمارەی ئەو کەسانەی بە نایاسایی دێنە نێو خاکی عێراق و هەرێمی کوردستان زیادیان کردووە و ئەمەش بووەتە هۆی دروستبوونی گرووپی چەکداری و بازرگانیکردن بە مرۆڤەوە.

 

ئەوەی پێویستە بیزانیت: ناوەڕاستی مانگی ئاداری ڕابردووش 22 کەسی بە ڕەچەڵەک پاکستانی لەلایەن هێزەکانی پاسەوانی سنوور لە پارێزگای سلێمانی دەستگیر کراون کە ویستبوویان بەنایاسایی بێنە نێو خاکی هەرێمی کوردستان.