هاوپەیمانان و سەرۆكایەتی هەرێمی كوردستان هەنگاوەكانی یەكخستنەوەی پێشمەرگە تاوتوێ دەكەن

ئاڤا نیوز

لە هەولێر شاندێکی هاوپەیمانی نێودەوڵەتی وسەرۆکایەتی هەرێمی کوردستان کۆبوونەوە، گفتوگۆیان لەسەر ڕووبەڕووبنەوەی داعش و هاوکارییەکان و یەکخستنەوەی پێشمەرگە کرد.

ڕاگەیێنراوی فەرمی: سەرۆکایەتی هەرێمی کوردستان بڵاویکردەوە: له‌ کۆبوونه‌وه‌که‌ی ئەمڕۆدا دوایین هه‌نگاو و ڕێکاره‌کانی پرۆسه‌ی چاکسازی له‌ وه‌زاره‌تی کاروباری پێشمه‌رگه‌ی حکومه‌تی هه‌رێمی کوردستان و ڕێکخستن و یه‌کخستنه‌وه‌ی هێزه‌کانی پێشمه‌رگه‌ خرانه‌ ڕوو هەڵسەنگاندنیان بۆ کرا، تیشک خرایه‌ سه‌ر به‌ره‌وپێشچوونه‌کانی پرۆسه‌که‌ و ده‌رباره‌ی کێشه‌ و گرفته‌کانی به‌رده‌می و چۆنیه‌تیی چاره‌سه‌رکردنیان، بیروڕایان گۆرییه‌وه‌.

بابەتی ستراتیژی: لە کۆبوونەوەکەدا هەنگاوەکانی پڕۆسەی چاکسازی وەزارەتی پێشمەرگە و ڕێکخستنەوەی هێزەکانی پێشمەرگە باسیان لێوەکرا.

بۆچی گرنگە: هاوپەیمانان چاویان لەسەر چاکسازییەکانی هێزەکانی پێشمەرگەی هەرێمی کوردستانە بۆ ئەوەی هاوکارییەکانیان بەردەوام بێت و گرفتەکان چارەسەربکرێن.