ئۆپۆزیسیۆنی چەکداری بە‌حرەین ئیسرائیل دەکاتە ئامانج

ئاڤا نیوز

 

ڕێکخراوی بەرگریی ئیسلامیی لە بەحرەین، ناسراو بە 'سەریا ئەشتەر' بەرپرسیارێتیی خۆی لە هێرشێک بۆ ناو خاکی ئیسرائیل ڕاگەیاند.

 

ڕاگەیێنراوی فەرمی: سەرایا ئەشتەر لە بەیاننامەیەکدا ڕایگەیاندووە بەئامانجگرتنی بارەگای کۆمپانیای ترەکنێت (Trucknet) لە ئیلات کە بەرپرسی گواستنەوەی وشکانیی ئیسرائیلە دەگرێتە ئەستۆ، هێرشەکە ڕۆژی 27-4-2024 ئەنجام دراوە. 

 

زانیاریی زیاتر: لە بەیاننامەکەدا ئاماژە بەوە دراوە، ئەم هێرشە بۆ پاڵپشتی لە دۆزی فەلەستین ئەنجام دراوە و هێرشەکانیان ناوەستێنن، مەگەر ئەوەی ئیسرائیل هێرشی خۆی بۆ سەر غەززە بوەستێنێت. 

 

ئەوەی پێویستە بیزانیت: لەوەتەی لە حەوتـی ئۆکتۆبەری 2023ـەوە شەڕی نێوان ئیسرائیل و حەماس دەستیپێکردووە، ئەمە یەکەمجارە سەرایای ئەشتەر هێرش بۆ سەر ئیسرائیل ئەنجام بدات.