سەرۆكی یەكێتی شاخەوانانی كوردستان: تیمەكەی قەرەداغمان ئاگادار كردبووەوە نەچنە شاخەوانی

ئاڤا نیوز

 

سەرۆكی یەكێتی شاخەوانانی كوردستان دەڵێت، چەندین جار ئەو تیمە شاخەوانیەی چووبووە قەراغ و چوار كەسیان گیانیان لەدەستدا، ئاگاداركردووەتەوە كە نەچنە شاخەوانی چونكە كەش و هەوا خراپە.

چیرۆكی سەرەكی: ئەمڕۆ 12 ئەندامی تیمێکی شاخەوانی لە سلێمانی بەهۆی بارانەوە لە شاخێکی نزیک قەرەداغ گیریان خوارد، چواریان گیانیان لە دەستداو هەشت ئەندامیان ڕزگار کران و سەرۆکی تیمەکە بە فەرمانی دادوەر دەستگیرکرا.

 

ئەوەی پێویستە بیزانیت: گرووپی شاخەوانی سەگرمە لە تۆڕی كۆمەڵایەتی فەیسبووك نوسیویانە ڕۆژی هەینی دەچنە شاخەوانی، یەكێتی شاخەوانانی كوردستان دەڵێت بە تیمەكەمان گوتووە نەچنە شاخەوانی، بەڵام ئەوان هەر چوونەتە شاخەوانییەكە.

لێدوانی فەرمی: هاژە ئەحمەد، سەرۆكی یەكێتی شاخەوانانی كوردستان بۆ ئاڤا نیوز گوتی: بە تەلەفۆن ئەو گرووپەمان ئاگاداركردووەتەوە، كە نەچنە شاخەوانی چونكە كەش و هەوا خراپە، پێشتریش چەندین جار ئاگادارمان كردوون، بەڵام رێنماییەكانیان جیێەجێنەكردووە.

باكگراوند: لە سنووری سلێمانی نزیكەی شەست گرووپی شاخەوانی هەن، 28یان سەر بە یەكێتی شاخەوانانی كوردستانن و 25 گرووپیان سەر بە تۆڕی شاخەوانانی كوردستانن.