بۆ یەکەمجار حكومەتی هەرێمی كوردستان بەشداریی دیداری ساڵانەی وەبەرهێنان لە ئەبوزەبی دەکات

ئاڤا نیوز

 

بۆ یەکەمجار حكومەتی هەرێمی كوردستان هاوشانی وڵاتان بەشداری لە دیداری ساڵانەی وەبەرهێنان لە ئەبوزەبیی ئیمارات دەکات.

 

بۆچی گرنگە: لە دیداری ساڵانەی وەبەرهێناندا، نوێنەری 175 وڵات، لە بەرپرسان و ڕاوێژكار و بازرگان و پیاوانی كار و گەورە بەرپرسانی كەرتی تایبەت و گشتی لە تەواوی وڵاتانی جیهان بەشدارن.

 

لێدوانی فەرمی: بەرگەشت ئاکرەیی، گوتەبێژی دەستەی وەبەرھێنانی کوردستان بە ئاڤا نیوزی ڕاگەیاند: "بەشداریی دیداری ساڵانەی وەبەرهێنان دەكەین، كە لەسەر ئاستی جیهان، لە ڕۆژانی 7 بۆ 9ـی مانگی ئایاری 2024، لە ئەبوزەبیی ئیمارات دەكرێت."

 

ئەوەی پێویستە بیزانیت: ئه‌مساڵ هه‌رێمی كوردستان هاوشێوەی دەوڵەت مامه‌ڵه‌ی له‌گه‌ڵ كراوه‌ و شوێنی بۆ دابینكراوه‌، هاوکات سه‌رۆكی ده‌سته‌ی وه‌به‌رهێنان له‌و دیدارەدا بەشداریی پانێڵێک ده‌كات. 

 

زانیاریی زیاتر: لە دیداری ساڵانەی وەبەرهێنان 10 هه‌زار كه‌س له‌ سه‌رانسه‌ری جیهان به‌شداری دەکەن، دیدارەکە  پشتگیری لە‌ 10 كه‌رتی سه‌ره‌كیی ئابووری ده‌كات.