وەزارەتی تەندروستی داوای داخستنی ئەو پەیجانە دەكات كە بە ئۆنلاین كاڵا و بابەتی جوانكاری دەفرۆشن

ئاڤا نیوز

وەزارەتی تەندروستیی حكومەتی هەرێمی كوردستان، داوای داخستنی ئەو پەیج و ئەکاونتانە دەكات كە بە ئۆنلاین كاڵا و بابەتی پزیشكی دەفرۆشن.

وێنە گەورەكە: لە هەرێمی كوردستان ژمارەیەكی زۆر پەیج و ئەكاونت لە تۆڕە كۆمەڵایەتییەكان كاڵای پزیشكی و دەرمان بۆ جوانكاری و بەهێزكردنی توانای سێكسی و قەڵەوی دەفرۆشن، وەزارەتی تەندروستیش بە نووسراوێكی فەرمی داوای داخستنی ئەو پەیجانە و سزادانیان دەكات.

ڕاگەیێنراوی فەرمی: لە ڕاگەیێنراوێكی وەزارەتی تەندروستیی حکومەتی هەرێمی کوردستان كە وێنەیەكی بۆ ئاڤا نیوز نێردراوە، هاتووە: "ئەو پەیجانەی كە بە ئۆنلاین لە تۆڕە كۆمەڵایەتییەكان سەرقاڵی فرۆشتنی بابەتی جوانكاری، قەڵەوكردن و لاوازكردن، و بەهێزكردنی توانای سێكسین دەبێت دابخرێن و ئەو كەسانەش كە خۆیان بە پزیشكی جوانكاری و دەرمانی سروشتی دادەنێن دەبێت سزا بدرێن".

ئەوەی پێویستە بیزانیت: نووسراوەکە ئاڕاستەی وەزارەتی ناوخۆ كراوە و واژۆی وەزیری تەندروستیی حكومەتی هەرێمی كوردستانی لەسەرە.

وێنەی نووسراوەکە