سەرۆک بارزانی: هەوڵدان بۆ سڕینەوەی گەلی کوردستان هەرگیز ئەنجامی نابێت

ئاڤا نیوز

سەرۆک بارزانی لەگەڵ شاندێکی ناوەندی فەڕەنسی بۆ  توێژینەوە لەسەر عێراق کۆبووەوە، ڕایگەیاند "یەکلاییکردنەوەی کێشەکان لەڕێگەی شەڕ و نکۆڵییەوە هەوڵدان بۆ سڕینەوەی گەلی کوردستان هیچ ئەنجامێکی نەبووە و نابێت".

وێنە گەورەکە: سەرۆک بارزانی لە پیرمام پێشوازی لە شاندێکی ناوەندی فەڕەنسی بۆ  توێژینەوە لەسەر عێراق کرد، کە پێکهاتبوون لە پڕۆفیسۆر میسێل ڤیڤۆرکا و پڕۆفیسۆر فابیریسل بەلانش و ماریۆس ئیکسپۆزیتۆ و تیالی یلمەن و دکتۆر عادل باخەوان.

ڕاگەیێنراوی فەرمی: بەگوێرەی ڕاگەیێنراوی فەرمیی بارەگای بارزانی، لە کۆبوونەوەکە بارودۆخی سیاسی، پێشهات، هەڕەشە و مەترسیەکان لە عێراق و ناوچەکە و هاوکێشە هەرێمایەتی، ڕەوایەتی و ئایندەی دۆزی گەلی کوردستان و سەقامگیریی ناوچەکە، هەڵوەستەی لەسەر کرا.

زانیاریی زیاتر: سەرۆک بارزانی جەختی کردووەتەوە لەسەر ئەوەی "باشترین ڕێگە بۆ چارەسەرکردنی کێشەکان لە ناوچەکەدا لەیەکتێگەیشتن، ئاشتی و ڕێکارە دیموکراسییەکان و دیالۆگە".