شاندێکی زانایانی ئایینی بۆ سەرۆک بارزانی: سوپاس بۆ حەواندنەوەی سەدان هەزار ئاوارە

ئاڤا نیوز

 

سەرۆک بارزانی پێشوازی لە شاندێکی زانایانی ئایینی کرد و شاندەکە سوپاسی سەرۆکیان کرد بۆ خەمخۆری و حەواندنەوەی ئەو سەدان هەزار ئاوارەیەی ڕوویان لە هەرێمی كوردستان كردبوو. 

 

چیرۆکی سەرەکی: ڕۆژی شەممە 18ـی ئایاری 2024 لە سەڵاحەددین سەرۆک مەسعود بارزانی پێشوازی لە شاندێكی زانایانی ئایینی بە سەرۆكایەتیی سەماحەتی شێخ ئەحمەد عەبدولرەزاق ئەلسەعدی كرد.

 

ڕاگەیێنراوی فەرمی: بەپێی ڕاگەیێنراوی بارەگای بارزانی، لە دیدارەكەدا شاندی میوان سوپاس و دەستخۆشیان لە سەرۆک بارزانی كرد بۆ خەمخۆری و حەواندنەوەی ئەو سەدان هەزار ئاوارەیەی ڕوویان لە هەرێمی كوردستان كردبوو و هەوڵەكانی سەرۆک بارزانییان بۆ دەستەبەركردنی سەقامگیری بەرز نرخاند.

 

زانیاریی زیاتر: هەر لەو دیدارەدا بیروڕا لەبارەی بارودۆخی عێراق و هەڕەشە و ئالنگارییەكانی داهاتوو ئاڵوگۆڕ كرا و جەخت لە پێویستیی هەماهەنگیی نێوان لایەنەكان بۆ تێپەڕاندنی قەیران و دۆخە هەستیارەكان كرایەوە.