لە ئامێدی شەش ڕاوچی دەستگیرکران

ئاڤا نیوز

 

لەلایەن هێزی پێشمەرگەی پاراستنی ژینگە،  شەش کەس لەکاتی ڕاوکردن لە ئامێدی دەستگیرکران.

 

چیرۆکی سەرەکی: لە سنووری قەزای ئامێدی چەند کەسێک بە بەردەوامی کاری ڕاوکردنیان کردووە، پێشمەرگەی پاراستنی ژینگە لەوە ئاگەدارکراوەتەوە و بەهاوکاری بازگەکانی ئاسایش شەش کەس دەستگیرکراون.

 

لێدوانی فەرمی: ڕەمەزان سیاری، بەرپرسی بەشی فریاگوزاری لە هێزی پێشمەرگەی پاراستنی ژینگەی دهۆک بە ئاڤا نیوزی گوت: "دوای بەدواداچوون شەش کەس کە خەڵکی سنووری قەزای ئامێدین، دەستگیرکراون کە سەرقاڵی ڕاوکردن بوون و 18 کەویان کوشتووە."

 

زانیاریی زیاتر: لەگەڵ دەستگیرکردنی ئەو ڕاوچیانەدا سێ چەکی ڕاو، ژمارەیەک ئامێری دەنگی، کەلوپەلی تایبەت بە ڕاوکردن و کەوە کوژراوەکانیش دەستیان بەسەردا گیراوە.

 

ئەوەی پێویستە بیزانیت: لە سەرەتای ئەمساڵەوە و تاوەکو ئێستا لە پارێزگای دهۆک نزیکەی 50 کەس بەهۆی سەرپێچی ژینگەیی دەستگیرکراون.