کریستیانەکان بڕیارەکەی دەستەی دادوەریی کۆمیسیۆن ڕەت دەکەنەوە و هەڕەشەی خۆپیشاندان دەکەن

ئاڤا نیوز

 

پێنج پارتی پێکهاتەی کریستیانەکان، بڕیارەکەی دەستەی دادوەریی هەڵبژاردنەکانی عێراق لەبارەی کەمکردنەوەی کورسییەکانیان ڕەت دەکەنەوە و هەڕەشەی خۆپیشاندان دەکەن.

 

وێنە گەورەکە: دوای سکاڵایەکەی سەرۆکوەزیران بارزانی لە دادگەی فیدراڵی، دەستەی دادوەریی کۆمیسیۆن بڕیاری گەڕاندنەوەی پێنج کورسیی پێکهاتەکانی بۆ سەر 100 کورسیی پەرلەمان دا.

 

ڕاگەیێنراوی فەرمی: هەریەک لە بزووتنەوەی دیموکراتی ئاشووری، ئەنجوومەنی جەماوەریی کلدانی سریانی ئاشووری، بەیت نەهرەینی دیموکراتی، یەکێتیی بەیت نەهرەینی نیشتمانی و حیزبی نیشتمانیی ئاشووری، لە ڕاگەیێنراوێکی هاوبەشدا ڕایانگەیاندووە، نادادپەروەریی بەرامبەریان کراوە و لە کۆی پێنج کورسیی کۆتای کریستیانەکان، تەنیا دوو کورسییان بۆ گەڕاوەتەوە و ئەمەش ڕەت دەکەنەوە.

 

زانیاریی زیاتر: ئەو پێنج پارتە ئەوەشیان ڕاگەیاندووە، لە دابەشکردنی ئەو دوو کورسیەشدا، پارێزگای دهۆک بێبەش کراوە کە بە درێژایی مێژوویان زۆرترین ژمارەی کریستیانی تێدایە، ئەمەش پێچەوانەی ئاشکرای یاسا و مافەکانیانە.

 

ئەمەش بزانە: لایەنە کریستیانەکان، بایکۆتی هەڵبژاردن دەکەن تاوەکو  پێنج کورسییەکانیان بۆ دەگەڕێنرێنەوە و هەرێمی کوردستان بۆیان بکرێتە یەک بازنەی هەڵبژاردن، داواش لە خەڵکی خۆیان دەکەن خۆپیشاندان بکەن بۆ ڕەتکردنەوەی ئەو ستەمە.