بەشێک لە لایەنە سیاسییەکان لیستی بەربژێرانیان دەکشێننەوە

ئاڤا نیوز

 

ئاڤا زانیویەتی بەشێکی لایەنە سیاسییەکانی کوردستان لیستی بەربژێرانیان دەکشێننەوە و گۆڕانکاری تێدا دەکەن.

 

وێنە گەورەکە: تەرخانکردنی کورسی بۆ کۆتاکان، وادەکات کۆمیسیۆنی هەڵبژاردن بەشێکی ڕێکارەکان سەرلەنوێ دەست پێ بکاتەوە، لەوانە تۆمارکردنی لیست و قەوارە سیاسییەکان، هەروەها پرۆسەی تیروپشک بۆ ژمارەی لیست و بەربژێران.

 

زانیاریی بەدەستهاتوو: چەند بەربژێرێکی تورکمان و کریستیان لەسەر لسیتی یەکێتی و چەند لایەنێکی دیکە خۆیان بەربژێر کردووە، گەر بیانەوێ لە کورسیی کۆتا سوودمەند بن، دەبێت لەنێو ئەو لیستە بێنە دەرەوە.

 

لێدوانی فەرمی: جومانە غەلای، گوتەبێژی کۆمیسیۆنی هەڵبژاردنی عێراق بە ئاڤا نیوزی ڕاگەیاند، "بەشێکی ڕێکارەکان سەرلەنوێ دەست پێ دەکەنەوە، دوای یەکلاییبوونەوەی وادەی نوێی هەڵبژاردن، ئەنجوومەنی کۆمیسیاران بڕیار لەسەر ڕێکارەکان دەدات".

 

باکگراوند: ڕۆژی چوارشەممە 22-05-2024 لە ئەنجوومەنی نوێنەرانی عێراق، بۆ سەرپەرشتیکردنی هەڵبژاردنی خولی شەشەمی پەرلەمانی کوردستان، ماوەی كاركردنی كۆمیسیۆنی باڵای سەربەخۆی هەڵبژاردنەكانی عێراق بۆ 6-1-2025 درێژ كرایەوە.