گرنگیی پەیوەندیی کوردستان و قەتەر لە بواری کشتوکاڵ و خوێندنی باڵا

ئاڤا نیوز

 

سەرۆکوەزیران بارزانی بە یاوەری ئەمینداری گشتیی وەزارەتی دەرەوەی قەتەر لە بۆنەیەکی فەرمیدا، کونسوڵخانەی گشتیی وڵاتی قەتەر لە هەولێری پایتەختی هەرێمی کوردستان دەکەنەوە.

 

بۆچی گرنگە: کردنەوەی کۆنسوڵخانەی قەتەر لە هەرێمی کوردستان، یارمەتیدەرە بۆ بەرەوپێشبردنی پەیوەندی بازرگانی و کولتووری و هاوکاریی ئابووری و برەودانی زیاتری کەرتی گەشتیاری نێوان هەردوولا.

 

لێدوانە فەرمییەکان: عەباس ئەکرەم، گوتەبێژی وەزارەتی خوێندنی باڵا بە ئاڤا نیوزی گوت: پەرەپێدانی پەیوەندییەکانی هەرێمی کوردستان و قەتەر بەتایبەت لە بواری خوێندنی باڵا زۆر گرنگە و شاندەکانی هەردوولا چەندین کۆبوونەوەمان کرد بە مەبەستی گۆڕینەوەی ستافی ئەکادیمی و کردنەوەی خول و گواستنەوەی شارەزایی و پێشکەوتنی قەتەر لە بواری خوێندنی باڵا بۆ هەرێمی کوردستان.

 

هیوا عەلی، گوتەبێژی وەزارەتی کشتوکاڵ بە  ئاڤا نیوزی ڕاگەیاند: ئێمە وەک وەزارەت و لە چوارچێوەی هەوڵەکانی حکومەت بە مەبەستی بەبازاڕکردنی بەروبوومە کشتوکاڵییەکانی جووتیارانی کوردستان، سێوی بەرواری باڵامان ڕەوانەی قەتەر کرد کە تەواو ئۆرگانیک و سرووشتییە و ئێستاش هەماهەنگیمان هەیە و کردنەوەی خۆنسوڵخانەکە دەبێتە هۆی ئاسانکاری ساغکردنەوەی بەروبوومەکانمان.