عێراق: زیاتر لە 50 تۆمەتباری بازرگانیکردن بە ماددە هۆشبەرەکان سزای لە سێدارەدان بۆ دەرکراوە

ئاڤا نیوز

 

وەزارەتی ناوخۆی عێراق ڕایدەگەیێنێت، زیاتر لە 50 کەس بە تۆمەتی بازرگانیکرن و گواستنەوەی ماددە هۆشبەرەکان لە عێراق سزای لە سێدارەدانی بۆ دەرکراوە و 118ـی دیکە سزای هەتا هەتایی.

 

بۆچی گرنگە: لە عێراق بەکارهێنان و بازرگانیکردن بە ماددە هۆشبەرەکان و کارتێکەرە دەروونییەکان لەنێو بەشی هەرە زۆری چین و توێژەکانی کۆمەڵگە بڵاوبووەتەوە، بەشێوەیەک ئێستا ئەوانەی نیازی بەدەستهێنانی بڕوانامەی ماستەر و دکتۆرایان هەیە، خوازیاران دوای وەرگرتنیان پشکنینی تایبەت بە ماددە هۆشبەرەکانیان بۆ دەکرێت.

 

ڕاگەیێنراوی فەرمی: فەریق میقداد میری، گوتەبێژی وەزارەتی ناوخۆی عێراق ڕایگەیاند، "سێ هەزار و 458 کەس بە تۆمەتی بازرگانیکردن بە ماددە هۆشبەرەکان و گواستنەوە و بەکارهێنەرانی ماددە هۆشبەرەکان سزا دراون".