سەرۆکوەزیران بارزانی پردی ڕانیە - بنگرد دەکاتەوە

ئاڤا نیوز

پڕۆژەی پردی ڕانیە - بنگرد تەواوبووە و ئەمڕۆ سەرۆکوەزیران بارزانی لە سنووری ئیدارەی سەربەخۆی ڕاپەڕین پردەکە دەکاتەوە.

وێنە گەورەکە: پردی دەربەندی ڕانیە یەکێک لە پڕۆژە ستراتیژییەکانی کابینەی نۆیەمی حکومەتی هەرێمی کوردستانە بۆ دەڤەری ڕاپەڕین و ساڵی 2021 لەلایەن سەرۆکوەزیران بارزانی بەردی بناغەی بۆ دانراوە.

ئەوەی پێویستە بیزانیت: پردەکە 420 مەتر درێژە و 15 مەتر پانە، زیاتر لە 30 مەتر بەرزە و زیاتر 12 ملیار دیناری بۆ تەرخان کراوە.

زانیاریی زیاتر: هەڵکەوتەی پردەکە کەوتووەتە سەر دەربەندی ڕانیە، ناوچەیەکی گەشتیارییە و ساڵانە گەشتیارێکی زۆر ڕووی تێدەکات، لەڕووی بازرگانییەوە جووتیارانی بنگرد دەبەستێتەوە بە ڕانیە بۆ ئەوەی بەشێوازێکی ئاسانتر بەرهەمەکانیان بگوازنەوە.