تەنیا ئەمشەو ئەمریکا 85 ئامانجی لە عێراق و سووریا بۆردوومان کرد

ئاڤا دیجیتاڵ

 

فڕۆکە جەنگییەکانی ئەمریکا لە تۆڵەی هێرشکەی بنکەی تاوەر 22ـی ئوردن کە بووە هۆی کوژرانی سێ سەرباز و برینداربوونی دەیان سەربازی دیکە تەنیا ئەمشەو ئەمریکا 85 ئامانجی لە عێراق و سووریا بۆردوومان کرد. 

 

وێنە گەورەکە: لەگەڵ دەستپێکردنی شەڕی نێوان ئیسرائیل و حەماس، لە عێراق و سووریا زیاتر لە  160 جار هێرشکراوەتە سەر بنکەکانی ئەمریکا، هەروەها 28ـی مانگی ڕابردووش هێرشکرایە سەر بنکەی تاوەر 22ـی ئوردن و بووە هۆی کوژرانی سێ سەرباز و برینداربوونی دەیان سەربازی دیکە، ئەوکاتە ئەمریکا "هەڕەشەی تۆڵەسەندنەوە"ـی ئەو هێرشانەی کرد، ئەمشەو هێرشەکانی ئەمریکا لە عێراق، سووریا لە یەککاتدا دەستیپێکرد.

 

لێدوانی فەرمی: فەرماندەیی ناوەندیی هێزەکانی ئەمریکا ڕایگەیاند: زیاتر لە 85 ئامانج لەلایەن فڕۆکەکانی ئەمریکا لە عێراق و سووریا کراونەتە ئامانج. 

 

زانیاریی زیاتر: لە هێرشەکانی ئەمشەوی ئەمریکا بۆ سەر پێگەی گرووپە چەکدارەکانی نزیک لە ئێران زیاتر لە 125 مووشەک بەکارهێنراون.

 

ئەوەی پێشبینی دەکرێت: بەپێی هەواڵی میدیاکانی ئێران زیاتر لە 10 کوژراو لە ئەنجامی هێرشەکانی ئەمریکا بۆ سەر پێگەی میلیشیاکان هەیە، بەڵام بەپێی ژمارەی هێرشەکان چاوەڕوان ڕێژەی کوژراو و برینداران لەو ژمارەیە زۆر زیاتر بێت.

 

باکگراوند: ڕۆژی 28ـی مانگی ڕابردوو گرووپی مقاوەمەی ئیسلامی هێرشی کردە سەر بنکەی تاوەر 22ـی ئوردن و بووە هۆی کوژرانی سێ سەرباز و برینداربوونی دەیان سەربازی دیکە، جۆ بایدن سەرۆکی ئەمریکا دوای دوو ڕۆژ لەبارەی ئەو هێرشانە ڕایگەیاند: لەگەڵ تیمی ئاسایشی نیشتمانیی وڵاتەکەی بڕیاریانداوە چۆن وەڵامی ئەو هێرشە بدەنەوە کە کرایە سەر بنکەی تاوەر 22ـی ئوردن.