سەرۆکوەزیران بارزانی  لەگەڵ فایەق زیدان کۆبووەوە

ئاڤا نیوز

سەرۆکوەزیران بارزانی،  لە بەغدا له‌گه‌ڵ فایەق زێدان سەرۆکی ئەنجومەنی باڵای دادوەریی عێراق کۆبووەوە.

ڕاگەیێنراوی فەرمی: لە کۆبوونەوەکەدا هەردوولا هاوڕابوون لە سەر پشتیوانیکردنی هەوڵ و گفتوگۆکانی هەردوو حکومەتی هەرێمی کوردستان و حکومەتی فیدراڵ لە پێناو گەیشتن بە چارەسەرێکی بنەڕەتی بۆ گشت کێشەکان و ڕێزگرتن لە قەوارەی دەستووری هەرێمی کوردستان.

بابەتی ستراتیژی: تەوەرێکی دیکەی گفتوگۆکان تایبەت بوو بە گرنگیی سەربەخۆیی دادگەکان بەشێوەیەک نابێت بڕیاری دادگاکان ببێتە هۆی زیان گەیاندن بە بەرژەوەندی گشتیی و پێشێلکردنی مافە ڕەواکانی گەلی کوردستان و پێکهاتەکان و هاووڵاتییانی عێراق بەگشتی. ئەمەش بەپێی ڕاگەیێنراوی حکومەتی هەرێمی کوردستان.

وێنە گەورەکە: سەرۆکوەزیران بارزانی بە یاوەری شاندێک لە بەغدایە و لەگەڵ چەندین لایەن کۆبوونەوەی ئەنجامداوە.