سەرۆکی یانەی دهۆک: جوانترین دەستپێشخەری ئەمساڵ ئەو كارەی ئاڤا بوو

ئاڤا نیوز

سەرۆکی یانەی وەرزشی دهۆک پێیوایە کەرنەڤاڵەکەی ئاڤا سپۆرت بۆ کۆکردنەوەی ئەو گەنجانە لە شارە جیاوازەکان، "لێکتێگەیشتن و هەڤاڵ دۆستی دروست دەکات".

وێنە گەورەکە: ئەمشەو بۆ یەکەمجار ئاڤا سپۆرت کەرنەڤاڵێکی جەماوەریی وەرزشی لە شەقامی ئیسکان بە ئامادەبوونی گەنجانی هەموو شار و شارۆچکەکانی کوردستان ڕێکخستووە، بۆ سەیرکردنی یاری کۆتایی چامپیۆنزلیگ لەنێوان هەردوو یانەی ڕیال مەدرید و بڕووسیا دۆرتمۆند. 

لێدوانی فەرمی: د. عەبدوڵا جەلال، سەرۆکی یانەی وەرزشی دهۆک بە ئاڤا نیوزی گوت: "خۆزگە لە کوردستان بووامە بۆ ئەوەی منیش لەگەڵ ئەو گەنجانە بەشداری لە کەرنەڤاڵەکەی ئاڤادا بکەم لە ئیسکان، جوانترین دەستپێشخەری كە ئەمساڵ بینیبێتم ئەو كارەی ئاڤا بوو".

خاڵە ئەرێنییەکان: کەرنەڤاڵەکەی ئاڤا خاڵێکی ئەرێنییە بۆ ڕۆشنبیرکردنی گەنجان، کۆکردنەوەیان لە شارە جیاوازەکان لێکتێگەیشتن و یەکتر قبووڵکردن و هەڤاڵ دۆستی دروست دەکات. سەرۆکی یانەی دهۆک وا دەڵێت.