خاوەنی وێنە بەناوبانگەکەی سەر مانگ گیانی لەدەست دا

ئاڤا نیوز 

 

ویلیام ئەندریاس، کەشتیوانی کەشتیی ئاپۆلۆ 8 کە 55 ساڵ لەمەوپێش چوو بووە سەر مانگ، لە ڕووداوێکی فڕۆکەدا گیانی لەدەست دا. 

 

چیرۆکی سەرەکی: ئەندریاس، تەمەن 90 ساڵ، لە واشنتن بە تەنیا لە فڕۆکەیەکی بچووکدا فڕۆکەوانیی کردووە، تووشی ڕووداو بووە و کەوتووەتە خوارەوە و گیانی لەدەست داوە، خێزانەکەی هەواڵەکەیان ڕاگەیاندووە. 

 

زانیاریی زیاتر: ئەندریاس و تیمی هاوڕێی ساڵی 1968 دە جار بە دەوری مانگدا سووڕانەوە بە بێ ئەوەی لە سەری بنیشنەوە و دواتر لە 27ـی کانوونی یەکەم گەڕانەوە سەر زەوی.

 

گۆشەیەکی دیکەی دیمەنەکە: ئەندریاس لە سەر مانگەوە وێنەیەکی لە گۆی زەوی گرت کە بووە یەکێک لەو 100 وێنانەی جیهانی گۆڕی. 

 

لێدوانی فەرمی: بیڵ نێڵسۆن، سەرۆکی ناسا، لە ئێکس نووسیویەتی "لە ساڵی 1968، لە میانەی گەشتی ئاپۆلۆ 8، بیڵ ئەندریاس قووڵترین دیاری کە کەشتیوانێکی ئاسمانی بتوانێت پێشکەشی بکات، پێشکەشی مرۆڤایەتی کرد. ئەو گەشتی بۆ لێواری مانگ کرد و یارمەتیی ئێمەی دا شتێک ببینین: خۆمان."