پارتی بۆ بەشداریکردن لە هەڵبژاردن دەست بە ئامادەکاری دەکات

ئاڤا نیوز

پارتی دیموكراتی كوردستان لەگەڵ ئەوەدایە ئەمساڵ هەڵبژاردنی پەرلەمانی كوردستان بكرێت، لەسەر ئاستی لق و مەكتەبەكانیشی دەستی بە ئامادەكاری كردووە، ئێستاش لە قۆناغی خۆتۆماركردندایە لە كۆمسیۆن.

وێنە گەورەکە: پێشتر پارتی تێبینی لەسەر بەڕێوەچوونی هەڵبژاردنی پەرلەمانی کوردستانی هەبوو، لە دیارترینیشیان بڕیاری لابردنی کورسی پێکهاتەکان بوو، بەو شێوەیە ئامادەی بەشداریکردن نەبوو، بەڵام ئێستا بەشێکی تێبینییەکانی جێبەجێکراوە.

لێدوانی فەرمی: سەباح بەیتوڵا، یاریدەدەری بەرپرسی مەکتەبی ڕێکخستنی دهۆکی پارتی بە ئاڤا نیوزی گوت: لە دوا کۆبوونەوەی کۆمیتەی ناوەندیی پارتی بڕیاردراوە بەشداری لە هەڵبژادن بکەین و لەگەڵ ئەوەداین ئەمساڵ هەڵبژاردن بەڕێوەبچێت.

زانیاریی زیاتر: پارتی لەسەر ئاستی لق و مەکتەبەکان هەموو ئامادەکارییەکی بۆ بەشداریکردن لە پرۆسەکە کردووە، ئێستا خەریکی ئامادەکارین بۆ خۆ تۆمارکردن لە کۆمیسیۆن، پارتی ئێستا چاوەڕێی ئەوەیە سەرۆکایەتیی هەرێمی کوردستان ڕۆژێکی نوێ بۆ بەڕێوەچوونی هەڵبژاردن دیاری بکات.

 

ئەوەی پێویستە بیزانیت: تا 13 ی ئەم مانگە لایەنە سیاسییەکان دەتوانن ناوی خۆیان لە کۆمیسیۆنی باڵای هەڵبژاردنەکانی عێراق تۆمار بکەن.