ئانۆ جەوهەر: لەڕووی خزمەتگوزاریی ئینتەرنێت لەپێش عێراق و چەندین وڵاتی دراوسێین

ئاڤا نیوز 

 

وەزیری گواستنەوە و گەیاندنی هەرێمی کوردستان لە ڕێوڕەسمی کردنەوەی سەنتەری ئیگڵ پۆست ڕایگەیاند، خزمەتگوزاریی ئینتەرنێت بەراورد لەگەڵ بەشەکانی دیکەی عێراق و چەندین وڵاتانی دراوسێ بە چەندین هەنگاو لە پێشترە لەڕووی کوالێتی و هەرزانی نرخەوە.

 

وێنە گەورەکە: سەرۆکوەزیران بارزانی ڕۆژی یەکشەممە 09-06-2024 سەرۆکوەزیران بارزانی سەنتەری ئیگڵ پۆستی کردەوە، وەزیری گواستنەوە و گەیاندن لە ڕێوڕەسمەکە بەشداربوو، لە کاتی کردنەوەی سەنتەری ئیگڵ پۆست گوتارێکی پێشکەش کرد و تیشکی خستە سەر ئەوەی کە لە ماوەی کابینەی نۆیەم چەندین پڕۆژەی گرنگ لە بواری گواستنەوە و گەیاندن جێبەجێ کراون و پەرەپێدراون.

 

لێدوانی فەرمی: ئانۆ جەوهەر، ڕایگەیاند، "پێشکەشکردنی خزمەتگوزاریی ئینتەرنێت بە هاووڵاتیان بەشێوەی وایەرلێس لە ڕێگەی LTE و WIFI بەردەوامە، خزمەتگوزاریی ئینتەرنێت بەراورد بە عێراق و چەندین وڵاتی دراوسێ بەچەند هەنگاوێک لە پێشترە لەڕووی کوالێتی، خزمەتگوزاری و نرخ."

 

لەلایەکی دیکەوە: پڕۆژەی گەیاندنی ئینتەرنێت بە ماڵان FTTH لە ڕێگەی کێبڵی تیشکی کە گەیشتووە بە زیاتر لە 400 هەزار خانوو، هەروەها ئینتەرنێتی خێرا (FTTG) گەیێنراوەتە فەرمانگەکانی حکومەت تاوەکو ئێستا بە سێ هەزار و 700 فەرمانگە گەیێنراوە.