سەرۆكوەزیران بارزانی لە یاداشتەكەیدا لە ئیگڵ پۆست چی نووسی؟

ئاڤا نیوز

سەنتەری ئیگل پۆست بۆ ئاسانکاری بۆ ئاڵوگۆڕی پۆستە لەسەر ئاستی ناوخۆ و نێودەوڵەتی کرایەوە، سەرۆکوەزیران بارزانی لە یاداشتەکەدا نووسیویەتی "ئەم سەنتەرە بە شێوازێکی زۆر سەردەمیانە دروستکراوە".

وێنە گەورەکە: سەرۆکوەزیران بارزانی، سەنتەری ئیگڵ پۆستی لە هەولێر کردەوە، سەنتەرەكە سەرتاسەرییە و ئاسانکاریی دەکات بۆ گەیاندنی پۆست لە سەرانسەری جیهان بۆ کوردستان و عێراق و بە پێچەوانەشەوە.

لێدوانی فەرمی: سەرۆکوەزیران بارزانی لە یاداشتەکەیدا نووسیویەتی: "زۆر خۆشحاڵم کە سەردانی سەنتەری سەرەکی پۆستەی هەرێمی کوردستان (ئیگڵ پۆست) دەکەم، کە بەشێوەیەکی زۆر سەردەمیانە کراوە و بێگومان خزمەتی زۆری هاووڵاتییان دەکات، هیوای سەرکەوتنی زیاترتان بۆ دەخوازم".

ئەوەی پێویستە بیزانیت: ئەم سەنتەرە ئاسانکاری دەکات لەبواری خزمەتگوزاریی گەیاندنی ناوخۆیی و نێودەوڵەتی لە ڕێگەی دەریا، ئاسمان، بارهەڵگر، ئۆتۆمبێل یان بە ماتۆر سکیل. ئیگڵ پۆست دەتوانێت بارەکان بگوازێتەوە بۆ شوێنە جیاوازەکان لە سەرانسەری ئاسیا، ئەفریقا، ئەمریکای باکوور، ئەمریکای باشوور، ئەوروپا و ئوسترالیا.