لە هەولێر و ڕانیە حەوت بازرگانی ماددەی هۆشبەر دەستگیردەکرێن

ئاڤا دیجیتاڵ

 

لە ڕانیە بازرگانێک و لە هەولێر شەش بازرگانی دیکەی ماددەی هۆشبەر دەستگیرکران؛ بازرگانەکەی ڕانیە بە کیلۆیەک کریستاڵەوە دەستگیرکراوە و شەش بازرگانەکەی هەولێریش جگە لە ماددەی هۆشبەر، چەکی بێمۆڵەت و پارەی ساختەیان پێبووە.  

 

ڕاگەیێنراوی فەرمی: بەڕێوەبەرایەتیی ئاسایشی هەولێر و بەڕێوەبەرایەتیی ئاسایشی ڕاپەڕین لە دوو ڕاگەیێنراوی فەرمیدا ڕایانگەیاند: "بازرگانێک لە ڕانیە و شەش بازرگانی دیکەش لە هەولێر، بەتۆمەتی بازرگانیکردن بە ماددەی هۆشبەر دەستگیرکران". 

 

زانیاریی زیاتر: بازرگانەکەی ڕانیە لەنزیک ناحیەی ژاراوە بە کیلۆیەک ماددەی هۆشبەر لە جۆری کریستاڵ دەستگیرکراوە و شەش بازرگانەکەی هەولێریش لەکاتی دەستگیرکردنیان، جگە لە ماددەی هۆشبەر، چەکی بێمۆڵەت و 165 هەزار دیناری عێراقییان پێبووە.