ڕاوێژكارێكی بیناسازی: ئەو پرۆژانەی لە كوردستان هەن پێویستیان بە تایبەتمەندی ستانداردە

ئاڤا نیوز

 

ڕاوێژكارێكی بیناسازی دەڵێت، كوردستان بەراورد بە 10 بۆ 15 ساڵی ڕابردوو زۆر گەشەسەندنی بەخۆوە بینیوە بۆیە پێویستە "كۆد و ستانداری تایبەت بە كوردستانمان" هەبێت.

وێنە گەورەكە: لە هەولێر وۆرکشۆپی پەیمانگەی ACI لەبارەی کوالێتیی دروستکردنی باڵەخانەکان بە سەرپەرشتی نووسینگەی سەرۆكوەزیران بارزانی بەڕێوەچوو.

بۆچی گرنگە: حکومەت گرنگی بە بەکارهێنانی کەرەستەی ستاندارد دەدات لە دروستكردنی باڵەخانەكاندا و دەیەوێت لەكاتی هەر ڕووداوێكی نەخوازراو زیانی كەمتر بێت.

لێدوانی فەرمی: سامان عەلی، راوێژکاری بیناسازی بە ئاڤا نیوزی گوت: كوردستان وەك 10 بۆ 15 ساڵ پێش ئێستا نەماوە، بەرەوپێشچوونێكی یەكجاری بەخۆیەوە بینیوە بەتایبەت لەبواری نیشتەجێبوون و ئاوەدانكردنەوە، ئەو پرۆژانەی ئێستا لە كوردستان هەیە پێویستیان بەوەیە تایبەتمەندی ستانداردیان بۆ دابنرێت.

زانیاریی زیاتر: كۆمەڵێك كارەساتی سرووشتی لەماوەی چەند ساڵی ڕابردوودا لە دەوروبەرمان ڕوویداوە، بۆیە پێویستە پەندیان لێ وەربگرین، دەمانەوێت ئەم وۆركشۆپە ببێتە دەرفەتێك تا ڕووبەڕووی كێشە و ئاڵنگارییەكان ببینەوە.