لە هێرشێکی چەکداریی "داعش" لە کۆنگۆ دەیان کەس کوژران

ئاڤا نیوز

لە هێرشێکی چەکداریی "داعش" لە کۆنگۆ دەیان کەس کوژران، هێرشەکە لە گوندی مایکێنگۆ لە هەرێمی لوبێرۆ لە پارێزگای کیڤو لە ڕۆژهەڵاتی کۆماری دیموکراتیی کۆنگۆ ڕویداوە. 

لێدوانی فەرمی: کۆڵۆنێل ئالاین کیوێوا میتێلا، بەرپرسی لۆکاڵیی هەرێمی لوبێرۆ، ڕایگەیاند لە دوای هێرشەکە 42 تەرم دۆزراونەتەوە. 

ئەوەی پێویستە بیزانیت: تا ئێستا هیچ کەس و لایەنێک بەرپرسیارێتیی خۆی لە هێرشەکە ڕانەگەیاندووە، بەڵام بەرپرسانی ناوچەکە گرووپی 'هێزە هاوپەیمانییە دیموکراتەکان'ـی سەر بە داعش بە ئەنجامدانی هێرشەکە تۆمەتبار دەکەن. 

باکگراوند: هەفتەی پێشووش لە هەمان پارێزگا هێرشێکی هاوشێوە ڕووی دا و بە هۆیەوە لانیکەم 80 کەس کوژران.