پارتی دیموکراتی کوردستان کۆنفڕانسی ناوخۆیی دەکات

ئاڤا نیوز 

 

بڕیارە 25ـی حوزەیران کۆنفرانسی ناوخۆیی پارتی دیموکراتی کوردستان لە سەرجەم شار و شارۆچکەکانی هەرێمی کوردستان بکرێت.

 

وێنە گەورەکە: دوای کۆنگرەی 14 ئێستا پارتی کۆنفرانسی ناخۆیی دەکات، تاوەکو لە ڕێگەی هەڵبژاردنەوە بەرپرسی ڕێکخراو و ناوچە و کارگێڕ و ئەندامانی خۆی دیاری بکات، ئەمەش گەورەترین گۆڕانکارییە کە دوای بەستنی کۆنگرە دەیکات.

 

لێدوانی فەرمی: کرمانج عیزەت، بەپرسی لقی 26ـی پارتی، بە ئاڤا نیوزی گوت: ڕۆژی 25ـی ئەم مانگە بەشێوەیەکی مۆدێرن لە سەرجەم شار و شارۆچکەکانی هەرێمی کوردستان کۆنفرانسی ناوخۆیی بەڕێوەدەچێت، ئامادەکارییەکان لە ڕووی تەکنیکی و دابەشکاریی لیژنەکان تەواو کراوە.

 

زانیاریی زیاتر: لیژنەی باڵا لە ئەندامانی مەکتەبی سیاسی و سەرکردایەتی پێکهێنراون، لەگەڵ لیژنەی لقەکان سەرپەرشتی کۆنفڕانسەکان دەکەن، هەر کادیر و ئەندام لقێک مافی دەنگدان و خۆکاندیدکردنی لە کۆنفڕانسەکەدا هەیە.

 

بۆچی گرنگە: پارتی دیموکراتی کوردستان گەورەترین هێزی سیاسی سەر ئاستی هەرێمی کوردستانە، پابەندبوونی بە گۆڕانکاریی ناوخۆیی و کۆنفڕانس، گوزارشت لە پابەندبوونی حزبەکە بە بنەماکانی دیموکراسی دەکات.