خامنەیی بۆ بەربژێرەکانی سەرۆکایەتیی کۆمار: دڵی دوژمن خۆش نەکەن

ئاڤا نیوز

 

ڕێبەری باڵای ئێران ئامۆژگاری بەربژێرەکانی سەرۆکایەتیی کۆماری ئێران دەکات کە لە کاتی بەڕێوەبردنی بانگەشەکانیاندا قسەیەک نەکەن دڵی دوژمنی پێ خۆش بێت.

 

لێدوانی فەرمی: عەلی خامنەیی، ڕێبەری باڵای ئێران، لە میانەی کۆبوونەوەی لەگەڵ بەرپرسانی دەسەڵاتی دادوەری، داوای لە بەربژێرەکان کرد ئەو قسانە نەکەن کە بە هۆیانەوە "دوژمن" دڵخۆش بێت و بۆ سەرکەوتن بەسەر ڕکابەری هەڵبژاردنەکانیان نەبنە هۆی خۆشحاڵیی "دوژمن".

 

زانیاریی زیاتر: تاوەکو ئێستا سێ دیبەیتی تەلەڤیزیۆنی لە نێوان شەش بەربژێرەکەدا بەڕێوەچووە و بەربژێرەکان لە دیبەیتەکانیاندا بۆچوونەکانیان سەبارەت بە پرسە جیاوازەکان دەخەنە ڕوو و ڕەخنە لە هەندێک بابەت دەگرن.

 

ئەوەی چاوەڕوان دەکرێت: ڕۆژی 28-06-2024 هەڵبژاردنی سەرۆکایەتیی ئێران، بەشێوەی پێشوەختە بەڕێوەدەچێت، ئەمەش لە دوای ئەوەی ڕۆژی 19-05-2024 سەرۆککۆماری ئێران بەهۆی ڕووداوی کەوتنەخوارەوەی باڵەفڕەکەی گیانی لەدەست دا.