یەكێتی ئەوروپا: بەهۆی حزبوڵاوە ناوچەكە بەرەو شەڕێكی گەورە دەڕوات

ئاڤا نیوز

بەرپرسی سیاسەتی دەرەوەی یەكێتی ئەوروپا دەڵێت، بەخۆی حزبوڵاوە خەریكە ناوچەكە ڕوو لە شەڕێكی گەورە دەكات.

لێدوانی فەرمی: جۆزیڤ بۆرێڵ، بەرپرسی سیاسەتەکانی دەروەی یەکێتیی ئەوروپا ڕایگەیاند: "دوێنێ یەکێک بووە لە کوشندەترین ڕۆژەکان لە مانگی ئۆکتۆبەرەوە،  لانیکەم 100فەلەستینی  كوژراون، هێشتا بارمتەكان بەدیلی ماونەتەوە،  مەترسی ململانێیەكی گەورە لە ناوچەكەدا هەیە، بەهۆی حزبوڵاوە خەریكە لوبنان دەچێتە شەڕێكی گەورە و جدییەوە".

وێنە گەورەکە: ئاڵۆزییەكانی نێوان حزبوڵای لوبنان و سوپای ئیسرائیل مەترسی گەورەیان لە ناوچەكە دروستكردووە، حزبوڵا دەڵێت چەكی زۆر گەورە و پێشكەوتویان هەیە و ئیسرائیلیش دەڵێت باشووری لوبنان كۆنترۆڵ دەكەن.