لە سلێمانی 'ڕێگرێک'ـی تەمەن 19 ساڵ دەستگیر کرا

ئاڤا نیوز

 

لە سلێمانی تۆمەتبارێک بەتۆمەتی ڕێگریکردن لە کچێک و لێسەندنی پارە و مۆبایل لێی دەستگیردەکرێت.

 

چیرۆکی سەرەکی: لە گەڕەکی ڕاپەڕینی سلێمانی، ماتۆڕسوارێک هێرشی کردبووە سەر کچێک، پارە و مۆبایلەکەی بردبوو.

 

ڕاگەیێنراوی فەرمی: "توانرا ڕێگرەکەی گەڕەکی ڕاپەڕین لەلایەن نووسینگەی نەهێشتنی تاوان بدۆزرێتەوە و دەستگیر بکرێت".  لە ڕاگەیێنراوی پۆلیسی پارێزگای سلێمانی هاتووە.

 

زانیاریی زیاتر: تۆمەتبارەکە لە دایکبووی 2005ـە و لەکاتی دەستگیرکردنی، دەستبەسەر ئەو پارە و مۆبایلەدا گیراوە کە لە کچەکەی بردبوو.