سەرۆککۆمارى عێراق یاسای قەدەخەى هاوڕەگەزخوازی واژۆکرد

ئاڤا نیوز

 

سەرۆککۆمارى عێراق یاسای قەدەخەى هاوڕەگەزخوازی واژۆ کرد  و هه‌ردوو وه‌زاره‌تی ده‌ره‌وه‌ی ئه‌مریكا و به‌ریتانیا هەڵوێستی خۆیان راگه‌یاند.

 

چیرۆکی سەرەکی: لەتیف ڕەشید، سەرۆكکۆماری عێراق یاساى بنەبڕکردنى لەشفرۆشی و هاوڕەگەزخوازی واژۆکرد و بەفەرمى کەوتە بوارى جێبەجێکردنه‌وه‌. 

 

لێدوانی فەرمی: ماسیۆ میلەر، گوتەبێژی وەزارەتی دەرەوەی ئەمریکا بڵاوی كرده‌وه‌، ئەو یاسایە هەڕەشە لەو کەسانە دەکات کە زۆرترین مەترسییان لەسەرە لە کۆمەڵگەی عێراقیدا، هاوكات وەزارەتی دەرەوەی بەریتانیا یاساکەی بە مەترسیدار وەسف کرد.

 

زانیاریی زیاتر: به‌پێی یاساكه‌ سزاى هاوڕەگەزخوازى له‌ 7 بۆ 15 ساڵ بەندکردن و 10 ملیۆن دیناریشیان پێ دەبژێردرێت.

 

ئه‌وه‌ی پێویسته‌ بیزانیت: پەرلەمانى عێراق لە 27ـی نیسانی ئه‌مساڵدا، هەموارى یاساى بنبڕکردنى لەشفرۆشی و هاوڕەگەزخوازی پەسەندکرد.