سەرۆک بارزانی: کەشێکی ئەرێنی لە دۆخی سیاسیی عێراق هەڵوێستی بەرپرسان دروست بووە

ئاڤا نیوز

لە میانەی سەردانەکەی بۆ بەغدا، سەرۆک بارزانی لەگەڵ هەشت نوێنەری وڵاتانی عەرەبی کۆ بووەوە و دوایین پێشهاتەکانی عێراق و ناوچەکەیان تاوتوێ کرد.

وێنە گەورەکە: سەرۆک بارزانی لە چوارچێوەی زنجیرە کۆبوونەوەکانی، بەیانی ئەمڕۆ لەگەڵ باڵیۆزانی: کوێت، قەتەر، میسر، عومان، بەحرەین، ئوردن، سعودیە و هەڵسوڕێنەری باڵیۆزی ئیمارات کۆ بووەوە.

ڕاگەیێنراوی فەرمی: بارەگای بارزانی ڕایگەیاند، "سەرۆک بارزانی ئاماژەی بەوە داوە کەشێکی ئەرێنی لە بارودۆخی سیاسیی عێراق و هەڵوێستەکانیان هاتووەتە ئاراوە، دەکرێ لەسەر ئەو بنەمایە بگەینە دەرئەنجامی باش بۆ چارەسەرکردنی کێشەکان و نەهێشتنی کۆسپ کە کاریگەری لەسەر سەقامگیریی عێراق و ناوچەکە دەبێت".


لەلایەکی دیکەوە: باڵیۆزانی وڵاتانی عەرەبی هیواخواز بوون سەردانی سەرۆک بارزانی بۆ بەغدا ببێتە مایەی خێر و سەقامگیری بۆ عێراق، پشتیوانی خۆیان بۆ عێراق و پتەوبوونی ئاسایش، سەقامگیری و چارەسەربوونی گرفتە سیاسییەکان دەربڕی".


زانیاریی زیاتر: سەرۆک بارزانی ڕۆشنایی خستووەتە سەر پرسی بوونی هێزەکانی هاوپەیمانان لە عێراق و بەپێویستی زانیوە ئەم بابەتە لە چوارچێوەی ڕێککەوتن و سازانێکی نیشتمانی بە ڕەچاوکردنی بەرژەوەندییەکانی عێراق و ناوچەکە بنەمایەکی بۆ دابنرێت.