ئێران بەهۆی هەڵبژاردن دەروازە سنوورییەکانی لەگەڵ هەرێمی کوردستان داناخات

ئاڤا نیوز

 

هەڵبژاردنی سەرۆکایەتیی ئێران کاریگەریی لەسەر جوڵەی بازرگانی و گەشتیاری نابێت و سبەی دەروازە سنوورییەکانی ئێران بەڕووی هەرێمی کوردستاندا داناخرێن

 

وێنە گەورەکە: ڕۆژی 5-7-2024، گەڕی دووەمی هەڵبژاردنەکانی سەرۆکایەتیی کۆماری ئێران بەڕێوەدەچێت؛ فەرمانگەی پەیوەندییەکانی حکومەتی هەرێمی کوردستان بۆ داخستنی دەروازە سنوورییەکان ئاگادار نەکراونەتەوە.

 

لێدوانی فەرمی: شاکر حسێن، بەڕێوەبەری پەیوەندییەکانی هەرێم و ئێران لە فەرمانگەی پەیوەندییەکانی دەرەوە بە ئاڤا نیوزی گوت: جوڵەی بازرگانی و هاتوچۆی گەشتیاران لە دەروازە سنوورییەکانمان لەگەڵ ئێران بەردەوام دەبێت.

 

ئەوەش بزانە: هەرێمی کوردستان ژمارەیەک دەروازەی فەرمی و نافەرمی لەگەڵ ئێران هەیە کە ڕۆژانە جوڵەی بازرگانی و گەشتیاری تێدا دەکرێت.