كۆنسوڵی ئێران لە هەولێر: هەرێمی كوردستان ئاسانكاری باشی بۆ كردووین

ئاڤا نیوز

کۆنوسڵی ئێران لە هەولێر دەڵێت، هەرێمی کوردستان ئاسانکاری زۆری بۆکردووین لە هەڵبژاردنەکاندا و خزمەتگوزاری تەندروستی و ئەمنیی بۆ دابینکردووین.

وێنە گەورەکە: خولی دووەمی هەڵبژاردنەکانی ئێران بەڕێوەدەچێت، لە هەرێمی کوردستان چوار هەزار هاوڵاتی ئێران و ڕۆژهەڵاتی کوردستان مافی دەنگدانیان هەیە و کۆنسوڵی ئێرانیش دەڵێت هەرێمی کوردستان زۆر هاوکارمان بووە لە جێبەجێکردنی پڕۆسەکەدا و بەباشی بەڕێوەچووە.

لێدوانی فەرمی: نەسروڵڵا ڕەشنوودی، کۆنسوڵی گشتی ئێران لە هەولێر بۆ ئاڤا نیوز گوتی: "سوپاسی حکومەتی هەرێمی کوردستان دەکەین بۆ پێشکەشکردنی هەماهەنگی بۆ بەڕێوەچوونی پڕۆسەی هەڵبژاردنی سەرۆک کۆماری ئێران ئاسانکارییەکان لە بواری هاتووچۆ و دابینکردنی خزمەتگوزاری تەندروستی و ئەمنیی بۆ بنکەکانی دەنگدان وایکرد پڕۆسەکە سەرکەوتووتربێت".

زانیاریی زیاتر:"هیوادارین دوای هەڵبژاردن پەیوەندی نێوان تاران و هەولێر بەهێزتربێت". ڕەشنوودی وای گوت.

ئەوەی پێویستە بیزانیت: لە هەرێمی کوردستان 10 هەزار هاووڵاتی ئێرانی مافی دەنگدانیان هەیە و لە هەولێر و سلێمانی و هەڵەبجە و ڕاپەڕین ودهۆک و چەند ناوچەیەکی دیکە دەنگ دەدەن.